Friday, 20 March 2015

ಸಾವಿರದೊಂದು ಗುರಿಯೆಡೆಗೆ :ತುಳುನಾಡ ದೈವಗಳು -172 ಮಡಿಕತ್ತಾಯ :(c)ಡಾ.ಲಕ್ಷ್ಮೀ ಜಿ ಪ್ರಸಾದ



 ಚಿತ್ರ ಕೃಪೆ :ಶ್ರೀಕೃಷ್ಣ ಹೊಳ್ಳ
copy rights reservedತುಳುವರ  ವಿಶಿಷ್ಟ ಆರಾಧನಾ ಸಂಪ್ರದಾಯ ಭೂತಾರಾಧನೆ ಕೌತುಕಗಳ ಕಣಜ ಇದೊಂದು ನಿಜಕ್ಕೂ ಅದ್ಭುತ ಜಗತ್ತು.ಇಲ್ಲಿ ನಿಜಕ್ಕೂ ಎಷ್ಟು ದೈವಗಳಿಗೆ ಆರಾಧನೆ ಇದೆ ಎಂದು ಇದಮಿತ್ಥಂ ಹೇಳಲು ಸಾಧ್ಯವಿಲ್ಲ .ಪ್ರತಿಯೊಂದು ಊರು ಗುತ್ತುಬಾರಿಕೆ ಕುಟುಂಬಗಳಲ್ಲಿ ಆರಾಧನೆ ಗೊಳ್ಳುವ ವಿಶಿಷ್ಟ ದೈವತಗಳಿವೆ .ಇಂಥಹ ಒಂದು ಅಪರೂಪದ ದೈವ ಮಡಿಕತ್ತಾಯ .ಕಾಸರಗೋಡು ಜಿಲ್ಲೆಯ ವರ್ಕಾಡಿ ಗ್ರಾಮದ ಮರಿಕಾಪಿನಲಿ ಆರಾಧನೆ ಹೊಂದುವ ದೈವವಿದು .ಕಣಂತೂರಿನ ಕಾಂತ ಕಟ್ಟುವ ಭೂತ ಮಡಿಕತ್ತಾಯ .
ತುಳು ನಾಡಿನ ಅನೇಕ ಭೂತಗಳ ಹುಟ್ಟು ಮೂಲ ಕಥೆ ,ಐತಿಹ್ಯಗಳು ಕಳೆದು ಹೋಗಿವೆ ,ಅಂತೆಯೇ ಮಡಿಕತ್ತಾಯ ದೈವದ ಬಗ್ಗೆ ಕೂಡ ಹೆಚ್ಚಿನ ಮಾಹಿತಿ ಲಭ್ಯವಿಲ್ಲ .
ಪ್ರಸ್ತುತ ಲಭ್ಯವಿರುವ ಮಾಹಿತಿಯಂತೆ ಮರಿಕಾಪಿಗೆ ಸಮೀಪದಲ್ಲಿ ಸುಮಾರು 750 ವರ್ಷಗಳ ಹಿಂದೆ ಬಾಣ ಬೆಟ್ಟು ಎಂಬಲ್ಲಿ ಲಿಂಗಾಯತ ರಾಜ ಮನೆತನವೊಂದು ಆಳ್ವಿಕೆ ನಡೆಸುತ್ತ ಇತ್ತು .ಮರಿಕಾಪಿನಲ್ಲಿ ಅವರದೊಂದು ಮಠ ಇತ್ತು .
ಈ ರಾಜನ ಮೇಲೆ ಒಬ್ಬ ಬಲಿಷ್ಠ ರಾಜ ದಂಡೆತ್ತಿ ಬಂದಾಗ ರಾಜನು ಭದ್ರಕಾಳಿಯನ್ನು ಪ್ರಾರ್ಥಿಸುತ್ತಾನೆ ,ಅವಳ ದಯೆಯಿಂದ ಯುದ್ಧದಲ್ಲಿ ಗೆಲುವು ಪಡೆಯುತ್ತಾನೆ copy rights reserved(c)ಡಾ.ಲಕ್ಷ್ಮೀ ಜಿ ಪ್ರಸಾದ .
ಈ ಗೆಲುವಿನಲ್ಲಿ ಕುಂಬಾರ ವರ್ಗಕ್ಕೆ ಸೇರಿದ ದಳಪತಿ  ಪ್ರಧಾನ ಪಾತ್ರ ವಹಿಸುತ್ತಾನೆ . ಅವರ ಕುಟುಂಬದವರಿಗೆ ಅನೇಕ ವಿಶೇಷ ಅನುಭೂತಿಗಳು ಉಂಟಾಗುತ್ತವೆ .ಆಗ ವಿಚಾರಿಸಲಾಗಿ ಭದ್ರ ಕಾಳಿಯು ಪ್ರಸನ್ನ ಗೊಂಡು ದೈವದ ರೂಪದಲ್ಲಿ ಬಂದಿರುವುದು ತಿಳಿದು ಬರುತ್ತದೆ .ಹಾಗೆ ಆ ರಾಜ ಮನೆತನವು ಆ ದೈವವನ್ನು ಮರಿಕಾಪು ಚಾವಡಿಯಲ್ಲಿ ನೆಲೆ ಗೊಳಿಸಿ ಆರಾಧಿಸುತ್ತಾರೆ .
ಮಡಿಕೆ ಮಾಡುವವರಿಗೆ ಗೋಚರಿಸಿದ ಕಾರಣ ಮಡಿಕತ್ತಾಯ /ಯಿ ಎಂದು ಹೆಸರು ಬಂದು ಎಂಬ ಪ್ರತೀತಿ ಇದೆ .ಆದರೆ ಮಡಿಕೆ ಎನ್ನುವುದು ಕನ್ನಡ ಪದವಾಗಿದ್ದು ಮಡಿಕೆ ಮಾಡುವವರಿಗೆ ಒಲಿದ ದೈವ ಎಂಬರ್ಥದಲ್ಲಿ ಈ ಹೆಸರು ಬಂದಿರುವ ಸಾಧ್ಯತೆಗಳು ಕಡಿಮೆ ಹೆಸರಿನ ಸಾಮ್ಯತೆಯಿಂದ ಇಂಥ ಪ್ರತೀತಿ ಹುಟ್ಟಿಕೊಂಡಿರಬಹುದು .
ಮರಿಕಾಪು ಚಾವಡಿಯಲ್ಲಿ ನೆಲೆ ನಿಂತ ದೈವ ಮರಿಕತ್ತಾಯ ಎನ್ನುವುದೇ ಕಾಲಾಂತರದಲ್ಲಿ ಮಡಿಕತ್ತಾಯ ಆಗಿರುವ ಸಾಧ್ಯತೆ ಇದೆ .


ಇಲ್ಲಿಗೆ ಸಮೀಪದ ಕಾವಿ ಸುಬ್ರಹ್ಮಣ್ಯ ದೇವಾಲಯ ಹಾಗೂ ಕೋಳ್ಯೂರು ದೇವಾಲಯದಲ್ಲಿ ಮಂದ್ರಾಯ /ಯಿ ಎಂಬ ವಿಶಿಷ್ಟ ಅಪರೂಪದ ದೈವಕ್ಕೆ ಆರಾಧನೆ ಇದೆ .ಈ ದೈವದ ಹಿನ್ನೆಲೆ ಕೂಡ ಲಭ್ಯವಿಲ್ಲ .ಈ ದೇವಾಲಯಗಳನ್ನು ಕಟ್ಟಿಸಿದ ತಾಳಿತ್ತಾಯರ ಕುಟುಂಬಕ್ಕೆ ಸೇರಿದ ದೈವ ಇರುವ ಸಾಧ್ಯತೆ ಇದೆಅಥವಾ ಕಟ್ಟಿಸಿದಾತನೆ ಮಂದ್ರಾಯ ದೈವ ವಾಗಿ ಆರಾಧಿಸಲ್ಪಟ್ಟಿರಬಹುದು
ಈ ದೈವವನ್ನೂ ಕಣಂತೂರು ಕಾಂತನೆ ಕಟ್ಟುವುದು .ಈ ಎರಡೂ ದೈವಗಳ ವೇಷ ಭೂಷಣ ಆಚರಣೆ ವಿಧಾನಗಳೂ ಒಂದೇ ರೀತಿ ಇದೆ ಎಂಬ ಬಗ್ಗೆ ಶ್ರೀಯುತ ನಾಗರಾಜ ಭಟ್ ಮಾಹಿತಿ ನೀಡಿದ್ದಾರೆ .ಹಾಗಾಗಿ ಈ ಎರಡೂ ದೈವಗಳೂ ಒಂದೇ ಇರುವ ಸಾಧ್ಯತೆ ಇದೆ
ಅಥವಾ ಎರಡೂ ದೈವಗಳ ಮೂಲ ಕಥಾನಕ ಐತಿಹ್ಯ ಆಚರಣೆಗಳು ಕಳೆದು ಹೋಗಿದ್ದು ಪ್ರಸ್ತುತ್ ಕಣಂತೂರು ಕಾಂತ ನೇ ಕಟ್ಟುವ ಕಾರಣ ವೇಷ ಭೂಷಣ ಆಚರಣೆ ನುಡಿಗಳು ಒಂದೇ ರೀತಿಯಾಗಿ ಇದ್ದಿರುವ ಸಾಧ್ಯತೆಯೂ ಇದೆ .copy rights reserved(c)ಡಾ.ಲಕ್ಷ್ಮೀ ಜಿ ಪ್ರಸಾದ
ಮರಿಕಾಪಿನಲ್ಲಿ ರಾಜ ಮನೆತನ ಇತ್ತು ಅವನ ದಳವಾಯಿ ಕುಂಬಾರ ಆತನಿಗೆ ಕಾಣಿಸಿಕೊಂಡ ದೈವ ಹಾಗೂ ಯುದ್ಧದ ಪ್ರಸ್ತಾಪಗಳು ಈ ದೈವ ಮೂಲತ ಒಬ್ಬ ರಾಜ ಅಥವಾ ಅವನ ದಳವಾಯಿ ಆಗಿರುವ ಸಾಧ್ಯತೆಯನ್ನು ತೋರಿಸುತ್ತದೆ /ಅರಸು ಆರಾಧನೆ ವೀರ ಆರಾಧನೆಯ ಪ್ರಭಾವದಿಂದ ಅನೇಕ ಸ್ಥಳೀಯ ಅರಸರು ವೀರರು ದೈವತ್ವ ಪಡೆದು ಆರಾಧಿಸಲ್ಪಡುವುದು ತುಳುನಾಡಿನಾದ್ಯಂತ ಕಂಡು ಬರುತ್ತದೆ ಅಂತೆ ಇಲ್ಲಿ ಕೂಡ ಆಗಿರುವ ಸಾಧ್ಯತೆ ಇದೆ
ಏನೇ ಆದರೂ ಇಂಥ ಅಪರೂಪದ ದೈವಗಳ ಬಗೆಗೆ ಸಮಗ್ರ ಅಧ್ಯಯನ ನಡೆಯ ಬೇಕಾದ ಅಗತ್ಯವಿದೆ .

No comments:

Post a Comment